Startsida Krokoms kommun

Saemiej åålmegebiejjie goevten 6:n biejjien

Buerie båeteme saemiej åålmege-biejjiem heevehtidh!

Saemiej nasjovnebiejjie jïh saemiej åålmegebiejjie seamma gaajhkide saemide seamma gusnie årroen. Akten biejjiem mij darjomigujmie jïh kultuvreöörnegigujmie ovmessie dajvide tjïeltesne heevehten.

  • Ts 13.00 Krokomen gärhkosne. Håalomem Maria Söderbergeste jïh saemien musihke jïh vueliem Tanja Nordfjelleste. Hoksehtimmiem.
  • Ts. 19.00 Alsenen voenegaertienisnie, tjaangeldahkem 100 kr svarkeldahkine. Saemien musihke jïh vueliem Tanja Nordfjelleste.

Man åvteste goevten 6 biejjien?

Voestes saemien laantetjåanghkoem Tråantesne goevten 6 biejjien 1917 hööltesti. Tjåanghkoem jienebh goh 100 saemieh Sveerjeste jïh Nöörjeste tjåanghkenin, gellieh nyjsenäjjah lin. Voestes aejkien saemien histovrijisnie ahte noerhte- jïh åarjelsaemieh Nöörjeste jïh Sveerjeste akten raastegaahpoeh tjåanghkosne tjåanghkenin ihke ektievoeten dåeriesmoerh digkiedidh.

Aktem dejstie mij laantetjåanghkose 1917 evtiedi, Elsa Laula Renberg (1877-1931) lij. Dïhte jïjtje dååjrehtsh laantetsällojste utni jïh segregasjovnepolitihkeste tjomperdi mij svïenske staatem evtiedi. Elsa Laula tuhtji ahte saemide tjoerin ektesne tjåadtjodh ihke värhtoedimmiem edtji sjïdtedh.

Saemien gåetiesäjroem

Saemien åålmegebiejjesne mijjieh mijjen saemien webbem rïhpestibie. Biehkiem krokom.se:ste saemien aaj daelie gååvnese, aalkovistie bïevnesh aarhskuvlen/skuvlen jïh voereshoksen bïjre. Jienebh aamhtesh våaroej våarosne edtjebe jarkoestidh.

Uppdaterad 2015-02-05 av Ulla Eriksson
Comments
Comments are closed for this article

KROKOMEN TJïELTE Guessiesijjie Offerdalsvägen 8
Tellefovne 0640-161 00  |  Tellefakse 0640-161 05  |  kommun@krokom.se